Partoprenantoj

Interkulturo estas projekto kiu kunligas lingvo-lernadon kun interkultura lernado, kaj ambaŭ tiuj lernoprocezoj estas senfinaj, viv-daŭraj, ĉar oni neniam povas finlerni lingvon aŭ kulturon. Eĉ se oni sukcesus lerni ĉiujn aspektojn de iu lingvo kia ĝi estas nun, ĝi post mallonga tempo jam evoluus kaj ŝanĝiĝus, kaj oni devus lerni pli. La samo validas ankaŭ por kulturoj.

Tial ni konsideras ke ĉiuj homoj envolvitaj en ĉi tiu projekto ankaŭ partoprenas ĝin, lernante pri lingvoj kaj kulturoj kaj helpante al aliaj lerni. Tamen, por faciligi tiun lern- kaj interŝanĝ-procezon, ni distingas inter diversaj specoj de partoprenantoj:

• Grupanoj – anoj de grupoj kiuj lernas iun lingvon kaj partoprenas en Interkulturo.
• Grupgvidantoj – speciala speco de grupanoj, kiu instruas lingvon al aliaj grupanoj kaj kunordigas partoprenon de la grupo en la projekto.
• Helpantoj – trejnitoj pri la projekto kaj/aŭ interkultura lernado, kiuj helpas al grup-paroj partopreni en la projekto kaj kunlabori dum interŝanĝoj.

Sama persono povas partopreni en la projekto en diversaj roloj samtempe – ekz. esti helpanto por grupoj lernantaj unu lingvon, kaj ano de grupo lernanta iun alian lingvon.

Por legi pli detalajn klarigojn de ĉiu partoprenant-speco, simple alklaku ĝin.